කතා කියන 'ඇස්'

ඉඟියකින්
එක් බැල්මකින් මිදෙන
ආදරේ කියවන... කොඳුරන...
පෙමින් අඳ වන 'ඇස්' දකිමි...

ප්‍රශ්නාර්ථයක් මැවී සැඟවෙන
නිහඬතාවයට බියව විමසන...
"කිමැයි?" අසන
 'ඇස්' විඳිමි....

ඉසුඹුවක් ලන තැන් විමසන...
ලොවට පි‍ටුපා,
හොර හොරෙන් දොඩමලු වන
'ඇස්' බලා හස නගමි......

අතැගිලි තුඩකින් කාන්දු වන
සොඳුරු සෙනෙහෙන් මත්ව සෑහෙන...
බලාපොරොත්තුවේ
 'ඇස්' වැලඳ ගමි...

සුලඟ සේ පෑ ගනන් දැවටෙන
ලඟ ඉඳන්,
කාලය ඉබි ගමන් යන...
මැසිවිලි කියන 'ඇස්' කියවමි....

ලඟ ‍රැ‍ඳෙන... පෑ ගනන් මග බලන
නාදුනනන සේ
සැඟවෙන, වැලපෙන
සොවින් ලතැවෙන 'ඇස්' වසමි.....

රල බි‍ඳෙන ගොස නැගෙනු වියැකෙන
සසල ලොව ඉසුඹු ලන තැන් සොයන....
'ඇස්' හරිමි..
'ඇස්' සිඹිමි'

ජීවිතය නිදි බි‍ඳෙන ඇහැරවෙන
ඇහැරුන සිහින ඉහිරවෙන මුදා ලන
'ඇස්' සිඹිමි...
'ඇස්' විඳිමි.....

ඉදින් මම
'ඇස්' ලදිමි....
'ඇස්' ලදිමි....