ඉශ් , ගෝවින්ද , ඕමි... කොටින්ම බිස්නස් පිස්සෙක්..., ආගම් පිස්සෙක්.. සහ ක්‍රිකට් පිස්සෙක්....
මේ තුන්දෙනා එකතු වෙලා හැදෙන සුසංයෝගයේ තේරුම මොකක්ද? තේරුම තමා මේ තුන්දෙනා යාලුවො තුන් දෙනෙක්ය කියන එක. එච්චරක් නෙවි, නිකම්ම ඉන්න එක හොඳ නැති නිසා, මොකක් හරි කරලා මිනිහෙක් වෙන පිස්සුවත් තියන නිසා මේ තුන්දෙනා අතගහනවා බිස්නස් එකකට. කෝවිල් භූමියක කඩ කාමරයක දානවා ක්‍රිකට් බඩු විකුණන ශොප් එකක්...
එයාලගෙ ජීවිත තුන ගලාගෙන යන්නෙ පොඩි පොඩි සිදුවීම් එක්ක නෙවි.., දේශපාලන මතවාද... ක්‍රිකට් උණ සහ බිස්නස් මේනියාව.. මේතුන සමෝසමේ ගමන් ගන්නේ නොහිතන අන්ත වලට...
3 Mistakes of My Life - චේතන් භගත් මේ පොතට නම දෙන්නෙ එහෙම... මොන මිස්ටේක්ද? ගෝවින්ද්ගෙ ජීවිතේ වෙන මිස්ටේක්ස් තුන මොනවද? දේශපාලනේ ක්‍රිකට් සහ බිස්නස් මික්ස්ෆෘට් එකේ ප්‍රතිපලයක් හැටියට සහ ගෝවින්ද්ගෙ ජීවිතේ වෙන මිස්ටේක්ස් තුනේ ප්‍රතිපල හැටියට මේ අඹ යාලුවො තුන්දෙනාගෙ ජීවිත එක මොහොතකදි එකපාරෙන් වෙනස් වෙනවා.
මේ පොත අතට ගත්තොත් නම් අබිං කෑව වගේ... කියවන්න ගත්තොත් උදේ දවල් රෑ නැහැ , කියවලම මිස පස්ස නම් බලන එකක් නෑ. ඔබ ක්‍රිකට් පිස්සෙක් නම් මේ පොත පුරාම තියන ක්‍රිකට් පිස්සුවෙන් ඔබේ පිස්සුවෙ දෙගුණ වෙන එක පුදුමයක් නෙවි..
ලේඛකයා... ගැන
චේතන් භගත් කියන්නෙ අපේ කාලයෙ ලේඛකයෙක්.. ඔහු ගැන කියනවා නම් ඔහු යාන්ත්‍ර ඉංජිනේරු උපාධිධරයෙක්... හොංකොං දේශයෙහි ආයෝජන බැංකුකරුවෙක් වශයෙන් රැකියාවකට බැඳුනු ඔහු පසුකාලයෙහි පූර්ණ කාලීන ලේඛන වෘත්තියටම බසින්නේ ඔහුගේ මේ ත් ඇදගන්නා සුලු ලිවිමේ හැකියාවට ලැබෙන ප්‍රේක්ෂක ප්‍රතිචාර නිසාවෙන්...
ඔබටත් පුලුවන් ඔහුගෙ නිල වෙබ් අඩවියට ගොස් ඔහු ගැන කියවන්න .
ඔහුගේ නිල ෆේස් බුක් පේජ් එක බලන්න..
පරිවර්තකයා ගැන...
චේටන්ටම ජාඩියට මූඩිය සේ ගැලපෙන පරිවර්තකයකු වශයෙන් දිලීප ජයකොඩිත්, චේතන්ගේ සහ අපේ කාලයේ ඊමේල් පරම්පරාවේ හද ගැස්ම සමග මනාසේ කලතා මේ පොත ලියන්නට දිලිප ගත් වෑයමත් මගේ මතය අනුව නම් අති සාර්ථකයි...
සැප්තැම්බරයේ දිලීපගේ අලුත් පරිවර්තන එලි දැක්වෙන තුරු ඇඟිලි ගනින්නේත් ඒ නිසයි... චේතන්ගේ සැහැල්ලු සහ නාට්‍යමය බස හැසිරවීම එලෙසින්ම උකහා ගෙන , තනි අමු පරිවර්තනයක් නොවී සිංහල සහ ඉන්ග්‍රිසි අපේ තාලයට හැසිරවූ ඉතා රසවත් නිර්මාණයක් ලෙස 'තුන් තකතීරු කම් කරපු කෙනෙක් මං' පොත මට හඳුන්වන්නට පුලුවනි.
මේ පොත නොකියවීමත් එක්තරා තකතීරුකමක් වෙන්න පුලුවන්.... එච්චරට රසවත්... ඔබත් කියවල බලන්න එහෙනම්...
මෙන්න විස්තර
පොත : තුන් තකතිරුකං කරපු කෙනෙක් මං
කර්තෘ: චෙතන් භගත් (Chetan Bhagat)
මුල් පොත : The 3 Mistakes of My Life
ප්‍රකාශනය: ෆාස්ට් පබ්ලිශින්
මිල: රු 425
චේතන් ගේ හෙලෝ හෙලෝ පොතත් නියමයි.ත්‍රී ඉඩියට්ස් හැදුනෙත් එයාගේ නවකතාවකින් නේද??
ReplyDeleteප්‍රමුදි කියන කතාව ඇත්තද?
ReplyDeleteමේ පොත නම් කියවලාම නෑ...
ReplyDeleteහෙලෝ හෙලෝ මීට අවුරුදු 2කට කලින් ගත්තා.. මේකත් මේ පාර ගන්නවා...
ReplyDeleteස්තූති වේවා ඔත්තුවට....
මල් හතේ කතා ටික කියවන්න බෑ Warning: Something's Not Right Here!
ReplyDeleteඑකක් එනවා... චුට්ටක් බැලුවොත් හොදා....
මේ පොත නම් කියවලා නෑ. මේ සැරේ ගන්න ඉන්න පොත් ලැයිස්තුවට එකතු කරගන්න ඕනෙ.
ReplyDeleteක්‍රිකට් පිස්සෙක් නෙවෙයි මම නම්. මට ක්‍රිකට් පෙනෙන්නම බැරි දෙයක්..
ReplyDeleteම්හ්ම් ම්හ්ම් කියවා නැත.
ReplyDeletehenryblogwalker (මට භිතෙන හැටි) the Dude (HeyDude)
ෂෙහාන් කරුණාතිලක ගේ චයිනාමෑන් පොතත් ක්‍රිකට් හා බැඳුණු එකක්. මෙවර පොදුරාජ්‍ය මණ්ඩලීය ග්‍රන්ථ සම්මානය දිනාගත්තේ එයයි.
ReplyDeletehttp://www.ft.lk/2012/06/15/shehan-karunatilakas-chinaman-wins-commonwealth-book-prize/
ගිය මාසේ ගත්තත් ඒක තාම කියවන්න බැරිවුණා!
මේක ලියපු හාදයත් ක්‍රිකට් වලට ඉන්ටරෙස්ට් නැති කෙනෙක් .....
ReplyDeleteමේ පොත ත්‍රී ඉඩියටස් චිත්‍රපටය වගේ වෙන්න ඇති කියලා හිතෙනවා. තව සති තුනකින් විතර ජාත්‍යන්තර පොත් ප්‍රදර්හනය තියෙනවානේ එතකොට ගන්න ලිස්ට් එකට දාගන්නම්
ReplyDeleteමම මෙය කියවමි. බොහොම එස්ටුටිය් ලස්සන විග්‍රහයට :)
ReplyDeleteපොත කියවලාම බලන්නම්කෝ...
ReplyDeleteතෑන්ක්ස්... මම සිංහල ට්‍රාන්ස්ලේෂන් එකක් ගන්නෙ කවුරු හරි රෙකමෙන්ඩ් කලොත් විතරයි... මේක වචනෙන් වචනෙට සිංහලට හරවපු පරිවර්තනයක් නෙවෙයි කියා හිතනව...
ReplyDeleteස්තූතියි! මල්.
ReplyDeleteඔන්න තව හොඳ පොතක් කියල හිතා ගත්තා. දිලීපගෙ කතා ශෛයිලියට මං කොහොමත් ආසයි.
මම වගෙම පොත් කියවන්නට ආසා අය බ්ලොග් එක ෆලෝ කරන බව දැනගන්න ලැබීමත් හරිම සතුටක්...
ReplyDeleteඅදහස් බෙදාගත් ඔයාල හැමෝටම ගොඩක් ස්තූතියි යාලුවනේ. පොත් ප්‍රදර්ශනයෙදි ඉස්සරහට මුලිච්චි උනොත් කතා කරලම යන්න හොඳේ.... :)
දැං ඕන්න ෆිල්ම් එකත් එන්න යන්නේ..
ReplyDeletehttps://www.facebook.com/photo.php?fbid=10151218161811602&set=a.381903241601.161147.181544941601&type=1
හිරුගේ ඔත්තුවක් නිසා ඉංග්‍රීසි පොත අරන් කියෙව්වා. ඒක ලියා තිබෙන සරල බස නිසා පුදුම සිත් ගන්නා සුළු බාවයක් තියෙන්නේ. මට වුනත් පරිවර්තනය කරන්න පුළුවන්. මම ක්‍රිකට් පිස්සෙක්. ඒක තේරුම ගත්ත හිරු මට ඒ පොත බලන්න කිව්වා. වෙන සර්ච් එකකින් මෙතනට කඩා වැටුනේ. ක්‍රිකට් වගේම කියවීමේ පිස්සෙකුත් හින්දා ඔයාගේ බ්ලොග් එක ෆලෝ කරන්නත් හිතුනා. two states කියන පොතත් මම මිලදී ගත්ත කියවන්න ලැබුනේ නෑ. මේ කතාව චිත්රපටියක් විදියට පෙබරවාරි 22 කයි පො චේ කියල. ඒකේ තීම් සෝන්ග් එක මම රිඟින ටෝන් එකට දා ගන්න තරම් පිස්සෙක් වුණා. ඒත් මම හින්දි පිස්සෙක් නෙවෙයි.
ReplyDelete