Tuesday, January 26, 2021

[407] හෘද සංවාද 38 - සිපගනිමි , උපන්බිම පිණි විසුල තණ නිල්ල - Green Green Grass of Home



ශ්‍රවණ සබැඳිය : https://youtu.be/V6dCpHjWNCQ 

1966 අවුරුද්දේ , Sir Tom jones ගායනා කරන Green Grass of Home කියන ගීතය දැනට අවුරුදු 50 කටත් අධික කාලයක් තිස්සේ බොහෝ දෙනාගේ හිත පතුලේ රැව් දෙමින් නින්නාද වෙන මගේ හිතත් තදින් ඇද බැඳ ගත්තු ගීතයක් 

1966 මේ ගීතය sir tom jones ගේ version එක රිලීස් කරපු වෙලාවේ eakaඑවකට නත්තල් සමයේ ක්‍රිස්මස් නම්බර් 1 එක හැටියට එංගලන්තෙ ගීත දර්ශක වල සටහන් වෙනවා

එක පිට එක, එක දිගට සති හතක් තිස්සේ එන්ගලන්තයේ ගීත දර්ශක වල , අංක එකේ වැජඹෙන මේ Green Green Grass of home කියන ගීතය එංගලන්තය විතරක් නෙමෙයි , එක්සත් ඇමරිකා එක්සත් ජනපදයේ 11 වන තැනත් , ඒ වගේම ඕස්ට්‍රේලියාවේ ගීත දර්ශකවල අංක එකත් අත්පත් කර ගන්නට සමත් වෙනවා. 1966 ගැයුන මේ green green grass of home sir tom ගෙ ජීවිතයේ හැරවුම් ලක්ෂය ක් වෙන්නේ ඔහු ලොව පතල ගායකයෙකු කරමිනුයි

ඔබ මොහොතකටවත් විශ්වාස කරනවා ද එක්තරා පුද්ගලයෙකුගේ හැරවුම් ලක්ෂය වෙච්ච මේ හරිම ලස්සන ගීතය ගයපු මුල් ගායකයා sir tom නෙමෙයි කියලා. අඩුම තරමේ මේ ගීතය එන්ගලන්තයේ මුල් නිර්මානයකුත් නෙමෙයි කියලා ? ඇත්තම කියනවා නම් මේ ගීතයේ මුල්ම ගායනය සිද්ධවෙන්නේ 1965 ඇමෙරිකාවෙදියි .



මේ ගීතය රචනා කරන්නෙ Curly Putman කියන්නෙ country singing වල මහගෙදර වන Naeshvil කියන ඇමෙරිකානු ගමේ. ඔහු රචනා කරපු මේ ලස්සන ගීතය මුලින්ම හඩ ගන්වන්නේ අමෙරිචන් කන්ට්‍රි සින්ගර් කෙනෙක් වෙන johnny darrel . තවත් country star කෙනෙක් වෙන , Porter Wagoner මේ ගීතයට පෙම්බඳින නිසා මේ ගීතය ඔහුත් ගායනා කරනවා

1965 නිව්යෝර්ක් නුවරට ගිය වෙලාවක තමයි sit tom ජෝන්ස්ගි ta Green green Grass of Home ගීතය අඩංගු හඬ පටයක් මිලට ගන්නට ලැබෙන්නෙ. ඉතින් මේ ගීතය අහපු ගමන්ම Sir tom හිතුවා මේ ගීතය ගායනා කරන්න ඕනේ කියලා

ඔන්න ඔහොමයි අමෙරිකන් country music වලින් හැදුනු ගීතයක් එන්ගලන්තයෙ sir tom joenas ලඟ නවතින්නේ.

curly putman ට අනුව මේ ගීතය ලියන්න පාදක වෙන්නේ, 1950 තිරගත වෙච්ච asphalt jungle කියන චිත්‍රපටිය. මේ චිත්‍රපටියේ එක්තරා පුද්ගලයෙක් වෙඩි වැදිලා , තමන්ගේ ගමට ඇවිත් මොහොතකින් මිය යනවා. ඉතින් මේ ජවනිකාව දැකපු කර්ලි මේ ඔස්සේ Green Green grass home කියන ගීතය රචනා කරනව




මේ ගීතයෙන් ඇත්තටම අදහස් වෙන්නේ මොකක්ද කියන කුතුහලය ඔබට දැන් ඇති.

මේ ගීතයේ තියෙන්නේ සිරගතව හිටපු මිනිසෙකු කොයි තරම් ආසාවෙන් තමන් උපන් ගෙදර . ඒ ගම ගැන සිහින මවනවද කියලා... මේ ගීතයේ අන්තිම තත්පරය වෙනකම්ම ඇත්තම කියනවා නම් දැනගන්න හම්බෙන්නෙ නැහැ අපි මේ අහන ගීතයේ ගම ගැන සිහින දකින්නේ සිරකරුවෙක්ය කියලා. ඔහු ඔහුගේ පෝරකයට ගමන් කරමින් සිටින මොහොතේදී තමන්ගේ ගෙදර මතක් වීමෙන් තමන් උපන් ගම මතක් වීමෙන් ඒ දකින සිහින ගමන තමයි මේ ගීතයේ සඳහන් වෙන්නේ

සුගායනීය ලස්සන ගීතයක අවසානයේ මේ ගීතයේ ඉන්න මනංකල්පිත සිරකරුවා පෝරකය වෙත ගමන් කරන දර්ශනයෙන් ඉවර වෙන බව නොසලකා ගීතයට ආදරය කරන්නට මිලියන ගණනක් මිනිස්සු 1966 එක්රැස් වුනා, ඉතින් තවත් කතා මොකටද නේද අපි ඉක්මනට යමු මේ ගීතයේ තේරුමට




" මං ඉපදුන ලස්සන උපන්ගම අදත් එදා වගේමයි දුම්රිය වේදිකාවට ගොඩ වෙලා මම උපන් ගමේ පුරුදු හුස්මත් ගන්නවා එතකොට මං දකිනවා මං එනතුරු මඟ බලාගෙන ඉන්න අම්මයි තාත්තයි.
අපි ඔක්කොම කතාබහ කරමින් ගෙදර යනවා '

ඒ ගෙදරට යන පාරේ මගේ ආදරවන්තිය Mary මග බලාගෙන ඉන්නවා .එයාගේ රත්තරන් පාට කෙස් කළඹ හුළඟෙ විහිදෙනවා .කොහොම අමතක කරන්නද මේරිගේ cherry පාට ලස්සන තොල් පෙති ? මට හරිම සතුටුයි, හරිම සැනසීමක් , මට ආයෙමත් මං ඉපදිච්ච මේ පුංචි උපන් ගමේ මේ කොළ පාට තණකොළ පාගන්නට ලැබෙන එක.

ඔව් ඔබ හරි හැමෝම ආදරයෙන් දෑත් දික් කරගෙන මාව වැළඳ ගන්නට බලාගෙන ඉන්නවා.ඒ හැමෝම ඇවිත් ඉන්නේ මාව ආදරෙන් පිළිගන්න

සතුටු උතුරන දෑසින් මගේ අම්මයි තාත්තයි ඒ වගේම Maryyi මං එන පෙර මග බලාගෙන ඉන්නවා ඉතින් මං තරම් වාසනාවන්තයෙක් තවත් ඉන්නවාද මොන තරම් වාසනාවක්ද ඇත්තටම ගෙදර එන්න ලැබෙන එක !අර බලන්න මං ඉපදුන ගෙදර ..එහෙන් මෙහෙන් තීන්ත බදාම ගැලවුනාට අදටත් හරි හයියට පොලොවෙන් නැගිටගෙන ඉන්නවා. ඔවු මගෙ පරණ උපන් ගෙදර... ආ එයත් මං එනකම් බලන් ඉන්නවා

ඇයි මං පුංචි කාලේ ආසාවෙන් සෙල්ලම් කරපු Oak ගහ ! හැබැයි කාලේ නම් ගිහිල්ලා , මං වගේම ඕක් ගහත් ටිකක් වයසට ගිහින්.මේරී මමයි පුංචි කාලේ සෙල්ලම් කරපු oak ගසේ හෙවණ යටින් , අද meri යි මමයි අතින් අල්ලගෙන ගමේ ගුරු පාර දිගේ ඇවිදගෙන යනවා .හැමදාම වගේ මට හොරැහින් බැලෙනවා ඇගේ රත්තරන් පාට හිසකෙස් දිහා ....ඇගේ චෙරි පාට රතුපාට දෙතොල් දිහා ...... මගේ හිත පුළුන් පොදක් වගේ පාවෙලා යනවා..... mary යි මමයි අනන්තය දක්වා හරිම සැහැල්ලුවෙන් ඇවිදගෙන යනවා

මං දන්නවා දැන් ඔබ මමත් එක්කම දෑස් පියගෙන ලස්සන චිත්ත සවාරියක් යමින් ඉන්නේ ...

කොල පාට ලස්සන පුංචි ගම්මානෙක තරුණ කොලු ගැටයෙක් රත්තරන් පාට ඉස කෙස් තියන තරුණියකgea අත් අල්ලගෙන ඈතට ඇවිදගෙන යන ඒ ලස්සන දර්ශනය , aපිට ඒක ඇතුළේ ජීවත් වෙන්න ආරාධනා කරනවා ඉතිං ඔබෙ ලස්සන මනෝ මන්දිරය බිඳ දාලා මට සිද්ද වෙනවා මේ ගීතයේ අවසාන කොටසට එන්න .

මට සමාවෙන්න ඔබේ ලස්සන සිහිනේ චිත්‍රය ඊළඟට මම බිඳ දමන එකට....

මම මේරි එක්ක අත් අල්ලගෙන ඇවිද යන ලස්සන හීනෙන් එකපාරටම ඇහැරෙනවා .
මං වැරදි .මම ඉන්නේ මගේ ගමේ නෙමෙයි .ඒ වෙනුවට මට හතර පැත්තෙන්ම පේන්නෙ කලු ගැහිච්ච බිත්ති හතරක් .ඔව් මං දැකලා තියෙන්නේ හීනයක්ම විතරයි

ටික වෙලාවකින් සිරමැදිරියේ දොර විවෘත වෙනවා. මම හෙමින් සිරමැදිරියෙන් පිටතට ඇවිදගෙන එනවා. කලු පාට ලෝගුවක් ඇඳ ගත්ත දුක්බර මුහුණින් බිම බලාගෙන ඇවිදින පාදිලි තුමා මගේ අනික් පසින් ගමනට එකතු වෙනවාඅ. පාදිලි වහන්සෙයි , ජේලරුයි මැදි ක මම මේ යන්නෙ ගෙදර නෙවෙයි... ඔවු ඒක මම දන්නවා... ඔබ හරි .... මම මේ ඇවිද යන්නේ පෝරකයට .. ජීවත්වෙන්න ඉතුරුවෙලා තියෙන්නෙ තව මොහොතයි දෙකයි .. මං ආයෙමත් දෑස් පියා ගන්නවා එතකොට මට පේනවා අර ලස්සන ඕක් ගස් හෙවන යටින් , මේරිගේ අතත් අල්ලගෙන ඇවිද යන මාව...

තීන්ත බදාම ගැලවුණත් මම ආදරේ කරන මගේ උපන් ගෙදර ..... උපන් ගමේ ඉමිහිරි සුලඟ .... මහ පොලවෙ සුවඳ... තව මොහොතකින් තිරය වැහේවි ! එතකොට මං ආදරේ කරන හැම දෙනාම මට මුන ගැහේවි... මගේ හිත ආයෙමත් පුළුවන් පොදක් වගේ සැහැල්ලුවෙන් පාවෙන්න ගන්නවා

ඔවු මම ආපහු ගමට යනවා.. මගේ කොළපාට ලස්සන පුංචි ගම්මානේ ඕඅක් ගස් හෙවනේ සැතපෙන්න මගේ යහන සූදානමින් ...... ඒක හරිම ලස්සන හැඟීමක් ... සමුගන්න එක නෙවි.... අවසානයේදී සදාතනික නින්දෙන් වුනත් මගේ උපන් ගමේ කොල පාට තන නිල්ලේ වැතිරෙන්න මට ලැබෙනවා... "





හැමදාම සතුටු හිතෙන දේවල් කතා කරන හෘද සංවාදය අහන ඔබේ ඇස් වලට කඳුළක් ගෙනාවට මට දහස් වාරයක් සමා වෙන්න

අපට විතරක් උරුම දේවල් අපේ සංස්කෘතිය අපේ ජාතිය අපේ ආගම පිළිබඳව ආඩම්බර වෙන එක ඕනම මනුස්සයෙකුට පොදු දෙයක් ... සමහර වෙලාවට එහෙම හිතාගෙන යද්දි අපි හිතනවා අපි තරම් ශ්‍රේෂ්ඨ මිනිසුම් කොහෙවට් නැහැ කියලා. අපට තරම් ශ්‍රේෂ්ඨ කලාවක් ,අපේ තරම් ලස්සන රටක් අවශේෂ ලෝකයට නම් නැහැ කියලා. තමන්ගේ දේ ගැන ආඩම්බර වෙන එක හොඳයි, ඒ උනාට අනුන්ගේ දේ වලින් ගන්නට පුළුවන් මේ වගේ වටිනා මැණික් කැට දෝතට ගන්න අපි පැකිලෙන්නෙ මොකටද ? මේ සිංහලෙන් කලාව රස විඳින ආදරණීය හදවත් වලට කරන පුංචි තට්ටු කිරීමක්

Green Green grass of home කියන මේ ලස්සන ගීතය කීදෙනෙක් අද වෙනකොට ගයලා තියෙනවද ? එල්විස් ප්‍රෙස්ලි ගේ පටන් සර් ටොම් ජෝන්ස් දක්වා...

කොච්චර ලස්සනද , මේ තරම් සුගායනීය වචන ටිකක් එකම හඬකින් නොඅසා ්‍රසිද්ධ හඩවල් ගනනාවකින් එක එක versions අහන්න ලැබෙන එක . ඔබ හිතාවි ඒක එච්චර හොඳ වැඩක් නෙමෙයි කියලා ....මම දන්නෙ මෙච්චරයි ......ලෝකයේ අදටත් මේ ගීතය මගේ ද ඔහුගේ ද ඇගේ ද කියලා සෙවීමකින් තොරව අදටත් ප්‍රතිනිර්මානය වෙනවා. බොහෝ දෙනෙක් ආසාවෙන් රස විඳිනවා තමන් කැමති වර්ශන් එක...

මිනිස්සු මේ ගීතය අහන්නේ දුක් වෙන්න බලාගෙනම නෙමෙයි ...හුඟක් දෙනෙක්ට මේ ගීතය අහද්දි මතක් වෙන්නේ Country Roads ගීතය... තමන් උපන් ගම ගැන ආදරය, ගමට යන්න තියෙන ආසාව පලකරන ගීතයක් ....

අලුත් අදහස් කියන දේ හරියට අවකාශයේ හැංගිච්ච වායු අනු වගේ ඒක කොහේ තියෙනව ද කොතැනින් මතු වෙනවද කවුරු අල්ල ගන්නවා ද කියන්න කවුරුත් දන්නෙ නෑ.පුදුම හිතෙන දේ තමයි සමහර වෙලාවට ඇමරිකානු මහද්වීපයක බටහිර රචකයෙක්ට මතුවෙන සිතුවිල්ලම, ඊට පෙර හෝ පසු වෙලාවක පෙරදිග දූපතක ඉන්න සිංහල ගීත රචකයෙකුටත් මතු වෙන්න පුළුවන් ....

ගීතයට පාදක වෙන සිරකරු, උපන් ගමට යන්න සිහින දකිද්දි , අමරසිරි පීරිස් ගායකයානන් , ලංකාවේ මේ පුංචි දූපතේ ඉඳගෙන කියනවා මට ගමට යන්න කුරුලු පිහාටුවක් එවන්න කියලා.
මේ තේරුම මේ අදහසම ඇති මේ හා සමාන ගීත සිංහල භාෂාවෙන් හෝ වෙනත් භාෂාවක තියෙනවා නම් මගෙත් දැනගැනීම සඳහා කමෙන්ට් එකක ඒ බවත් කියන්න කියලා aaraaDhanaa karanavaa obata..

ඒ විතරක් නෙවෙයි හෘද සංවාදය ඔබේ හෘදයට දැනෙන විදිය දැන ගන්න මාත් ආසයි ආදරෙන් ආරාධනා කරනවා ඔබට දැනෙන විදිහ දැනගන්න ඔබට දැනෙන විදිහ අකුරු කරන්න.
අද ගීතයට පාදක වෙච්ච ගීත ඛනඩ් හැම එකම පහතින් තියන පලවෙනි කමෙන්ට් එකේයි ඩිස්ක්‍රිප්ශන් එකෙයි ඇති.

ඒ හැම එකක්ම අහන්න කියලා ආරාධනා කරමින් , ඔබේ අදහස් අසන්නට බලාපොරොත්තුවෙන් මා නවතිනවා. හෘද සංවාදයකින් ආයිමත් දවසක හමුවෙමු..

The old hometown looks the same
As I step down from the train
And there to meet me is my mama and papa
Down the road I look and there runs Mary
Hair of gold and lips like cherries
It's good to touch the green, green grass of home
Yes, they'll all come to meet me
Arms reaching, smiling sweetly
It's good to touch the green, green grass of home
The old house is still standing
Though the paint is cracked and dry
And there's that old oak tree that I used to play on
Down the lane, I walk with my sweet Mary
Hair of gold and lips like cherries
It's good to touch the green, green grass of home
Then I awake and look around me
At four grey walls that surround me
And I realize, yes, I was only dreaming
For there's a guard and there's a sad, old padre
On and on, we'll walk at daybreak
Again, I'll touch the green, green grass of home
Yes, they'll all come to see me
In the shade of that old oak tree
As they lay me
'Neath the green, green grass of home
Source: Musixmatch
Songwriters: Claude Putman Jr.
Green Green Grass of Home lyrics © Tree International





සර් ටොම් ජෝන්ස් ගැයූ ගීතය : https://www.youtube.com/watch?v=u81CTfbc99c Country Roads ගීතය : https://www.youtube.com/watch?v=1vrEljMfXYo අමරසිරි පීරිස් ගයන මට කුරුලු පිහා‍ටුවක් එවන්න ගීතය https://www.youtube.com/watch?v=s73nHKirmXo ඇස්ෆල් ජන්ගල් චිත්‍රපටයේ විස්තර https://www.rottentomatoes.com/m/asphalt_jungle මූලාශ්‍රය : https://www.countrythangdaily.com/green-grass-of-home/

Friday, January 15, 2021

[406] හෘද සංවාද 37 - ජීවිතයේ අරුත හොයන Amelie (අමේලී)

 අද හෘද සංවාදය : ජීවිතයේ අරුත , ආදරය පෙන්වන සොඳුරු සිනමා කාව්‍යය අමේලී ප්‍රංශ චිත්‍රපටය 

හෘද සංවාද සබැඳිය : https://youtu.be/Hd2_ND1e0bM 






AMELIE ( 2001 ) - ප්‍රංශ චිත්‍රපටය

 

කටපාඩමේ තබාගත යුතු තරම් ජිවිත කියවීමක් , කර්ණ රසායන සුමට සංගීතයක්... එක සතියක් ඇතුලත එකම චිත්‍රපටය තුන් හතර වතාවක් නැරඹීය හැකි තරම් සුන්දරත්වයක්.. “ඒ ඉස්සර... බයිකොප් පිස්සෝ හිටියේ ඉස්සර  දැන් එහෙම බයිස්කෝප් නැහැ”.ඔබ කියාවි. නැහැ. Amelie (2001) චිත්‍රපටය ඔබ වරක් නැරඹුවොත් , එය මුසාවක් බව වැටහේවි.  ජිවිතයට අරුතක් ඇත්ද ? Amelie නරඹන ඔබට පිළිතුරක් ලැබේවි

ජිවිතයේ අසම්පුර්ණත්වය සහ මිනිස් බලාපොරොත්තු පිලිබඳ මේ තරම් ගැඹුරු කියවීමක් චිත්‍රපටයකින් දැක ගැනුම පහසු නැත. මතුපිටින් නොපෙනෙන සියුම් මිනිස් ගුණාංග සහ  කෙනෙකුගේ ප්‍රත්‍යෙකාවකාශය ( පුද්ගලික අවකාශය) මැනවින් විදාරණය වන මේ ප්‍රංශ චිත්‍රපටය , දිය මතින් ඉපිල් නැගෙන ගල් කැටයක සන්තෘප්තිය ඔබට රැගෙන ඒවි.

මග්දලේනා - එක කොනෙක ආදරයද , අනෙක් කොනෙහි වෛරයද සන් කරන අඳුරු හෘද බිම්ගෙයක අතරමං කොට , වසන් ව ගිය  චපල හිමි ගැන තැවීම ජීවිතය කරගන්නීය. අමෙලිගේ පියා - රෆායෙල් පුලාන්ගේ ජීවිතය, සිය බිරිඳගේ වියෝවත් සමග කෝෂ ගත වෙයි. වසකට වරක් අලුත් සිතුවමක් අඳින දුෆායෙල්ය කවුළුවෙන් අමෙලී දෙස බලා සිටියි.මේ සියල්ල දෙස නිසංසලේ බලාගෙන , දියට ගල් කැට විසි කරන කුඩා ජීවියා , අමෙලී ය.

නමුත් .. එක්තරා දිනයක... සුවිශේෂි දිනයක , ඇමිලී පුලාන් ගේ ජීවිතය වෙනස් වෙයි.. සිය තට්ටු නිවසේ බිත්තියක් අස්සේ සැඟවී ගත් කුඩා ඉපැරණි මන්ජුසාවක් ඇගේ  ජිවිතයේ හැරවුම් ලක්ෂය වෙයි. ලෝකයටද , තමන්ටද කිසිත් නොකොට, අත පය කුසීතව හකුලාගෙන මිය යා යුතුව  තිබු,  ඇමිලීගේ ජිවිතයට අලුත් බලාපොරොත්තු පැමිණෙයි. බලාපොරොත්තු සුන්ව අවිචාරයෙන් මංමුලා වූ ජිවිත වලට අලුත් ප්‍රර්තනාවන් උදා කරන්නී ඇමිලීය. ඇමිලී අනෙකුනට සොයා දෙන ජීවිතය , අමිලිගේ ජීවිතය නම් වෙයි.

, තමා මෙතෙක් කල් මවා ගෙන සිටි තට්ට හිසති මිනිසා කවුදැයි සොයා ගන්නේ යම් සේද, දුෆයෙල්ට මෙතෙක් සම්පුර්ණ කල නොහැකිව තිබු තරුණියගේ අසම්පුර්ණ රුව සිත්තම් කල හැකි වන්නේ යම් සේද , රෆායෙල් පුලාන්ට ජීවිතය දකින්නට ලෝකය විඳින්නට සිය කුඩා නිවසින් පිටතට යා යුත් බව පසක් වන්නේ යම් සේද , තමාට අහිමි වූ තමා සොයා , දෑත් විහිදා ජීවිතයට නිදහසේ පියා සලන්නට , ජිවිතයට බිය විය යුතු නැතැයි ඇමිලී ලොවට හඬ ගා කියන්නීය. ලෝකය වින්ද නැති, ලෝකය දැක නැති මිනිසුනට ඇමිලී ආදරයෙන් දෑත දිගු කරන්නේ මේ මනහර රුප චාරිකාව කැඳවාගෙන යන්නටය. ඉතින් තවත් ඇයි පමා වන්නේ... අමෙලී එක්ක ජිවිතේ දකින්න ...  ?

වසරකට චිත්‍රයක් බැගින් අඳිමින් , කවුළුවෙන් එපිට ලෝකය සිතෙන් මවා ගන්නා  දුෆායෙල් ද , සිය උයනෙහි , ආශ්‍රමයක් තනා  මියගිය බිරිඳගේ අළු බඳුන වන්දනා කරන රෆායෙල් ද , ඉවත ලන පින්තුරු එක කරන නීනෝ ද , ඇමිලී නිසාවෙන් ජිවිතයේ උත්ක්රුෂ්ටත්වය පසක් කර ගනිති. අමිලිට ආදරය මුණ ගැසෙන්නේ එලෙසිනි.  ඇමිලී ඇගේ දඟකාර ඇස වලිනුත්  අව්‍යාජ සිනහවෙනුත්  පින්තාරු කරන මේ අනභිභවනීය සිනමා නිර්මාණයට ලැබී ඇති පැසසුම් වලින්ම මේ උත්කෘෂ්ට සිනමා කාව්‍යයක සුන්දරත්වය ඔබට පෙනී යනු ඇති.

IMDB දර්ශකයෙහි , ලොව වඩාත්ම ජනප්‍රිය සිනමාපට 250න් එකක් ලෙස , 101 වන ස්ථානයෙහි අද වන විට වැජඹෙන , ඔස්කාර් සම්මාන 5 කටද නිර්දේශ වූ මේ අනභිභවනීය සිනමා කාව්‍යය, තවත් සම්මාන 59ක් ද දිනා ගනිමින් , නිර්දේශ 67ක්ද සිය සම්මානිත පුවරුවෙහි ලකුණු කරගන්නේ ,කෙනෙකුගේ ජීවිතය වෙනස් කල හැකි සිනමා නිර්මාණයක් ප්‍රංශ සිනමාවෙන් ලෝක සිනමාවට දයද කරමින්.

සවනට අමේලිගේ සොඳුරු රිද්ම : https://www.youtube.com/watch?v=NFxZnLKMZuw 

 

 

 

 


Friday, January 08, 2021

[405] හෘද සංවාද 36 - පුංචි මයිකල් ජැක්සන් & බෙන් (BEN)

චීස් නොමැති මී කතාවක් තිබිය හැකිද ?

ඔව් . චීස් නොමැති මී කතාවක් තිබිය හැකි......

ඒ විතරක් නොවේ මීයාට ඔස්කාර් ගත වන්නට වුවද හැකිය,


First Article :  


මයිකල් ජැක්සන් (Michael Jackson) , අවුරුදු 14දී , 1973 ඔස්කාර් සම්මාන උලෙලේ , බෙන් (Ben) ගීතය ගයන අපූරුව මෙතැනින් නරඹන්න -https://www.youtube.com/watch?v=j_550... මම 2019 බෙන් ගැන ලියූ බ්ලොග් සටහන මෙතැනින් කියවන්න : http://sansaare.blogspot.com/2019/04/... විලාඩ් 1973 චිත්‍රපටය සහ බෙන් චිත්‍රපටය පිලිබඳ විස්තර : Willard : https://en.wikipedia.org/wiki/Willard...) Ben : https://en.wikipedia.org/wiki/Ben_(film) Willard (1971) Movie Trailer : https://www.youtube.com/watch?v=b8Gn9... Ben (1972) Movie Trailer : https://www.youtube.com/watch?v=uxv0Z... ඔබේ අදහස් මට හරිම වටිනවා.... ඔබ හිතන දේ දැනගන්න මං බලං ඉන්නවා ආදරයෙන් ...

Saturday, January 02, 2021

[404] හෘද සංවාද 35 - කෆ්කා , සමීර සහ සර් ටොම් ජෝන්ස් සමග ආදර 2021




යස අවුරුදු හතලිහක් උන,කවදාවත් කසාද බැඳලා නැති,ළමයිනුත් නැති ෆ්‍රෑන්ස් කෆ්කා දවසක් park එකේ ඇවිදන් යනවා..Berlin වල.
මෙහෙම යද්දි පුංචි ගෑණු ළමයෙක් අඬනවා...
"ඇයි පුතේ...."
කෆ්කා අහනවා

"මං ආසම බෝනික්කා නැති වෙලා..."
පුංචි ළමයා උත්තර දුන්නා...
Park එකේ හැමතැනකම බෝනික්කා හෙව්වට හම්බුනේ නෑ....

"පුංචි දුව හෙටත් එන්න අපි ටිකක් හොයලා බලමු ම්ම්ම්...."

එහෙම කියලා පහුවදාත් ඇවිත් හෙව්වට බෝනික්කා නෑ පේන මානෙකවත්....
කෆ්කා මේ පුංචි ළමයට දෙනවා ලියුමක්......

Video Link : https://youtu.be/py2lQGhcBJg

මේ ලිපිත් බලන්න ඔන්න හොඳේ :-)

Related Posts with Thumbnails

ලේසියෙන් පිටු පනින්න

<--http://www.bloggertricksandtoolz.com/ -->