Video: https://youtu.be/sNKnC2up0t0
සමහර වෙලාවට
නිහඬතාවයේ රිද්මය
අපිට කියා ගන්නබැරි තරම් හැඟීම් එක්ක ගනුදෙනු කරනව ඒ සිතුවිලි හරිම නිස්කලංකයි , හෘදයාංගමයි ආදරේ කියන වචනෙ ඔබට දෙන නිර්වචනය මගේ නිර්වචනයට වෙනස් වෙන්න පුලුවන් මගේ ආදරය තියෙන්නෙ පුංචි සුන්දර දේවල් වල සුන්දර දේවල් වලින් විනිර්මුක්ත ජීවිත වල අසහනය විතරක් නෙමෙයි කුහක කම, ඉරිසියාව , ලෙඩ දුක් හැම එකම පිරිලා පරන වෙච්චි මඩ වලක් වගේ ඒත් ලස්සන හදවත් වල තියන ආදරේ දිස්නෙ ගහනවා සමහර වෙලාවට ඇස් වලින් දිග කතා කියනවා ඒ නිසා අද මම ඔබට පුදන්නේ සම්පූර්ණයෙන්ම නිහඬ වීඩියෝවක් ඔබට ආස විදියට හිතාගන්න ඔබට ආස විදියට මේ පුංචි ආදර මංජුසාව දකින්න ඔබට ආස විදියට ආදරේ බිලිඳු සංකේත හිතේ හැටියට විඳ ගන්න මුලු දවස පුරාවටම සමහර විට ඉලක්කම් ,ඊ මේල් සමහර විට මීටින් , රථ වාහන තද බද මේ වගේ අනේක කඨොර නාද එක්ක ඔට්‍ටු වුන ගොරෝසු වෙලා ඔද්දල් වුන හිත් පොඩ්ඩ අරගෙන, එන්න…. ආදරේ සිනිඳු හැඩතල ඇඟිලි තුඩින් අතගා බලන්න… සිහිලැල් ආදර නදියක හීතල පෙණ කැටි වලින් තෙමා ගන්න හිත මුදු සුමුදු කරගන්න ඔවු ... මං ආදරයෙන් අනේක වර පැරදුනත් කවදාවත් පැරදුමට මිස , ආදරයට වෛර නොකල නිසා හිතේ ඒ මටසිලි‍ටු කම , තිබුනා හැමදාම… ආදරය දෙන්න නොපැකිලෙන හිතක් වෙනුවෙන් ගැඹුරු නිසල විලක් වගේ දොර‍ටු වහල තිබ්බ හිතේ ඇත්තටම ඇති වෙන්න ආදරේ තිබුනා වෛරයෙන් , කුහක කමින් කණා‍ටු වෙච්ච හිතක් හෙම ඉතුරු වෙලා තිබ්බ නම් මට ඔවු , දොර‍ටු ඇරෙන දවසට දෙන්න මගේ හිතේ ආදරේ නොතිබෙන්න ඉඩ තිබුනා එන්න ආදරය සෙනෙහසින් වැලඳ ගනිමු පුංචි හාදුවකින් සනසමු එක මොහොතකට
No comments:
Post a Comment