මරීයා සිය කුඩා කාලයේ පටන් විවිධාකාර ආකර්ශනයන් වෙත බැඳී ගිය හැටිත් , ඒ හැම අවස්ථාවකම සැබෑ සෙනෙහස ,ආදරය සහ විඳීම සෙවීමේ මෙහෙයුමෙන් පරාජය වූ හැටිත් පවුලෝ කොයියෝ විස්තර කරන්නේ අතිශය සංවේදී සහ සිතුවිලි බද්ධවූ ශෛලියක් උපයෝගී කරගනිමින්. පවුලෝ කොයියෝ මරියාගේ තැන ගනිමින් සිතිවිලි තුල තෙරපෙන දුක , අසහනය , වේදනාව සහ බලාපොරොත්තු කඩ වීම විස්තර කරන්නේ මනෝ විශේෂඥයකුටත් වඩා දක්ෂ ලෙසින්. පොත පුරාවටම හැම අකුරක් පුරාම දිවෙන සිතුවිලි වල අරුම දකින්නට යෙදෙනවා නම් අප අපවම දකින්නා මෙන් ඔබට දැනේවි.
ආදරයෙන් සහ ජීවිතයේ තෘප්තියෙන් බලාපොරොත්තු කඩවන මරියා 'රි යෝ ද ජෑනෙයිරෝ' නගරය බලා යන්නේ තමා කෙරෙහි අනාගත බලාපොරොත්තු තබාගත් පෙම්වතෙකු සහ තමා කෙරෙහි අනාගත සෑලසුම් උදෙසා මුදල් හම්බ කිරීමට සිත දහිරිය කොට ගත් ගැහැණියක රැගෙනයි. සම්බා නැටුම් ශිල්පිණියක ලෙස ඉතා කෙටි කලක් ගත කරන මරියා, තමා මෙහි ආ අරමුණ ඉන් ඉටු නොවන බව වටහා ගෙන ඉන් මිදී යන්නේ , තමා සමග යහන් ගත වීමට ෆ්‍රෑන්ක් 1000ක් ගෙවන්නට එකඟ වන මිනිසෙකු සමගයි. එතෑනින් ඇරඹෙන මරියාගේ අමුතු ජීවිතය ස්වකීය ගනුදෙනුකරුවන් අතරේ කුමක්දෝ සොයන්නට පොලඹවනවා... ඈ ජීවිතයේ හැමදාම සෙවූ දෙයක්. ඈ ජීවිතය පිලිබඳ වැරදි වැටහීමෙන් හෙම්බත් කල දෙයක්. බැඳීමක්... සැබෑ ආදරයක්... ඈ දිනපතා අත්දකින ලිංගිකත්වය... එයට වෙන්වන යාන්ත්‍රික 'මිනිත්තු එකොළහ' - ආදරයේ බරපතල සාධකයක්ද නැද්ද යන වග...
ඈ හොයනවා. ඇගේ සාමාන්‍ය හෝ විශේෂ ගනුදෙනුකරුවන් අතරේ.... ඈ ඈවම හොයනවා ... ඈ නිකම්ම නිකම් ගණිකාවක් නොවී ඈ 'ආදරය සොයන' ගණිකාවක් බව වටහාගන්නට හැකිවන්නේ , ආදරයෙන් විවාහයෙන් සහ ජීවිතයෙන් හෙම්බත් වූ සුප්‍රකට 29 වියැති සිත්තරෙකු වූ රැලෆ්ටදැයි මරියා සොයනවා. ඈගේ හදවතේ ආදරය සහ 'ජීවිතය' සොයන කවුලු එක එක තමන්ම වසා ගනිද්දී ඈගේ කෑගසා නොකිය හැකි හදවත ඈ අකුරු කරනවා දිනපොතක.
ඉතින් මරියාගේ රුව සිතුවමට නගන පරසිඳු සිත්තරා- රැල්ෆ්ට, හෝ ටෙරන්ස්ට මරියා සොයා යන ලෝකය අහිමි කරන්නට හෝ සොයා දෙන්නට හැකිවේවිදැයි සොයා බලන්නට ඔබට මේ පොත කියවන්නටම සිදුවෙනවා.
සියල්ලට ගත වෙන්නේ 'මිනිත්තු එකළහක්'! . නිකම්ම නිකම් ඔහේ අනෙකෙකුගේ යටතට වැටී ජීවිතයේ කටුකත්වය විඳින මිනිත්තු එකොලහක්! එපමණද මේ ජීවිතේ? මිනිත්තු එකොළහෙන් ජීවිතයේ සියලු තෘප්තිය තීරණය වේද?
පෘතුගීසී භාෂාවෙන් පාවුලෝ කොයියෝ විසින් ලියවුනු Onze Minutos නම් මේ කෘතිය සිංහලට පරිවර්තනය කලේ රුවිනි තල්පාවිල විසින්... විදර්ශනා ප්‍රකාශනයක් ලෙස එලි දු‍ටු , මිල රුපියල් 420ක් වූ මේ පොතට ඔබට නිසැකවම අමිල වටිනාකමක් දිය හැකියි. . විවිධාකාර ලේඛකයන් අතින් භාෂාවන් 40කට වඩා පරිවර්තනය වූ , මිනිස් චිත්තාභ්‍යන්තරයේ තෙරපෙන සදාතනික නොසැනසීම පිලිබඳව අතිශය සංවේදී ඇසකින් ලියවුනු දුලබ ගණයේ කතාවක් මේ....
Original Post : (පොත්ගුල ට මා විසින්ම ලියන ලද) මිනිත්තු එකොලහේ කතාව
ඇත්තටම මේ වගේ සිද්ධි කොච්චර ලෝකයේ සිද්ධ වෙනව ඇතිද? නියමයි පෝස්ට් එක
ReplyDeleteස්තතියි.., මේ වගේ පොත් ගැන ලියවෙන ලිපි ඌණයි.., මමත් හොයාගන්න ඉන්නේ මේ පොත.., ස්තූතියි දැනුවත් කලාට..! ජය!
ReplyDeleteබ්ලොග්ශාන්: ස්තූතියි... පොත හොයන් කියවන්න.. ජීවිතයේ නොදුටු බොහෝ දේ දකීවි
ReplyDeleteලිශාන් : ඉතාමත්ම ස්තූතියි... පවුලෝගේම 'ඈල්කෙමිස්ට්' මෙතරම්ම මනරම් පොතක්! :)
කිවයන්න වෙලාවක් හොයාගන්න අමාරු උනත් පුළුවන්තරම් පොත් සල්ලි දීල අරගෙන පුළු පුළුවන් වෙලාවට කියවන්න ලොකු කෑදර කමකින් පෙළෙන මට තිබිච්ච ප්‍රශ්නයක් තමයි කොහොමද මේ "හොඳ" පොත් හොයා ගන්නේ කියලා. ගොඩක් ස්තූතියි නගෝ මේ වගේ විචාරයට. කොහොම හරි මේ පොත අරගෙන කියවනවා.
ReplyDeleteමම හැමදාමත් විශ්වාස කරන දෙයක් තමයි ගැහැණියක් මොනවගේ අවස්ථාවක් මත වුනත් පිරිමියෙක් හෝ ගැහැණියක් සමඟ යහන්ගතවනවානම් ඇය කුඩා හෝ ආදර බැඳීමක් හොයනවා කියන එක. මේ තියරිය කොල්ලන්ගේ ලෝකයක විරල දෙයක්. ඒත් ගැහැණියකට ආදරය කියන්නේ තවත් එක දෙයක් නෙවෙයි, ඇගේ සම්පූර්ණ ආත්මයම. ගැහැණෛයක් එක්ක ජීවත් වෙන්න සූදානම් වන පිරිමියෙක් මුලින් තේරුම් ගන්න ඕන මේ කථාව, මම හිතන්නේ. අගනා පෝස්ට් එකක්.. ඒ වගේම පාවුලෝ කොය්යෝ කියන්නේ පුද්ගලයෙක්ගේ ජිව්තය සම්පූර්ණයෙන්ම වෙනස් කිරීමට ශක්‍යතාවයක් සහිත ලේඛකයෙක්...
ReplyDelete~ හිපියා
කොහොම හරි හොයන් කියවන්න ඕනේ..ලංකාවේ ඉදන් එන හැම කෙනාටම හැම නැදැ කෙනෙක්ටම මම කියන්නේ මොනා නැතත් කියවන්න පොතක් අරන් එන්න කියලා..පොතක් කියවද්දි දැනෙන නිදහස වෙන කිසිම දෙකින් ලබාගන්න බැ..
ReplyDeleteමම මේ පොත කියෙව්වා. දෙසැරයක්ම. මුලින්ම කියවනකොට ඇත්තටම මට මේක තේරුනේ නෑ. ආයෙත් කියෙව්වා. ජීවිතේ ගැන කවුරුත් නොහිතන අමුතු පැත්තක්. කෙනෙක්ගේ රස්සාව, ජීවන මට්ටම, මොනවා උනත් අපි හැම කෙනෙක්ම බලාපොරොත්තු අතින් එකම බෝට්ටුවේ....
ReplyDeleteමල් සහ හැමෝටම,
ReplyDeleteමම ඔයාගේ පෝස්ට් හැම එකක්ම වාගේ කියවනව.එත් comment
කරන්නෙ අද.
මම පුරුද්දක් විදියට පොත් කියවෙන්නෙ...අතට අහුවෙන හම පොතම කියවන එක.. කියවල තමයි එක හොන්දද නද්ද බලන්නෙ..යාලුවො recommend කරන පොතුත් කියවන්වා හොයාගෙන හරි.. මේ ටික කිවෙ මම පොත් ගොඩාක් කියවල තියන බව කියන්න.
එත් පවුලොගෙ පොත් කියවපු හැම වෙලාවෙම මට ඇති උන ප්රmශ්නෙ.. මේ මනුස්සයට ඇත්තටම මොකද්ද කියන්න ඔනෙ කියනදේ නොතෙරුන එක.. මට හිතෙනව,
he is someone who lives with depression and he make us stress by his books .
I already red his 3 books.
Please correct me.
ඇත්තටම මම මේ පොතට ගොඩාක් කැමතියි ..මම අදම මේ පොත ගන්නවා ..පාවුලෝ කොයියෝ කියනෙ පුදුම ලේඛකයෙක් හැටියටයි මම දකින්නෙ .........
ReplyDelete@ BO Pale
ReplyDeleteWell, you are half correct I suppose bro. Paulo Coelho might be a witness of depression, but who isn't in this world can vow about themselves as completely mentally healthy?
Nevertheless about the point you made that Coelho try to feed back his depressive feelings to his readers, I think you couldn't understand the inner text of his books. He always conveys a positive message through his writings to the world.
In this case, I think mentioning point won't be necessary as you have already red Paulo Coelho, but I would like to suggest you to read "The Alchemist" again. Or how about "Veronica decides to die"? Those two books never try to channel any depressive feeling to the reader but it feeds such a positive message, "Life is too precious" and “Pursue your dreams”.
This is just my idea as a book worm and this conversation is open for further discussion.
Peace...
~ හිපියා
දුමී අයියා, මේ පොත ඔබට අල්ලලා යාවි කියා හිතෙනවා. අයියා දන්නවද.. පවුලෝ කොයියෝ ලේඛකයා ලියන්නේ කොයිතරම් සියුම් තැන්ද කියනවා නම් , මම වරෙක මගේ ගෑනු සිතිවිලි ආයෙමත් කවුරු දෝ මගේ සිතෙන් සොරා ගෙන යලි ලියනවාදැයි පුදුම වුනා. එතරම්ම ගැඹුරු චිත්තාභ්‍යන්තරයට පවුලෝ කොයියෝ එක වාක්‍යයකින් කිමිදෙනවා. ඔහු ලියූ 'ඇල්කෙමිස්ට් ' පොතත් මනරම්... මේ දිනවල මම කියවාගෙන යන 'චීන සින්ඩරෙල්ලා' සහ කියවීමට බලාපොරොත්තුවෙන 'සමුගනිමු ගුල්සාරි' පොත් දෙකත් මේ වගේම බ්ලොග් පෝස්ට් ලියවෙතැයි හිතෙන අපූරු පොත් දෙකක් වේවි කියා හිතෙනවා,,,
ReplyDeleteපැතුම් ඔබේ ඔය තියරිය බොහෝ පිරිමින්ට නොතේරෙන එකෙන් මේ ගැහැනු සංහතිය මොන තරම් ඛේදනීය ඉරණමකට ගොදුරු වෙලා ඉන්නවාදැයි ඔබ දන්නවාද ?ඒක හරිම ව්‍යසනයක්... ගැහැණුන් අතරෙන් ආදරය මත්තේ නැහෙන්න, නැහෙන ආදරය සොයාගෙන මිස පිරිමියෙකු සමග යහන්ගත නොවෙන්න 'ගට' තියෙන්නේ එහෙමත්ම කෙනෙකුට ! අනෙක් බහුතරයක් ගැහැණුන්ගේ මේ ඉරනම වෙනස් කල හැක්කේ සිතුවිලි අවධි කොට සිතා බැලිය හැකි පිරිමියෙකුට පමනයි. ආත්මාර්ථකාමී පිරිමියෙකුට එහෙම හිතන්න බැහැ. පවුලෝ කොයියෝ වෙනත් මගක් ගත් ලේඛකයෙක් වෙන්නේ ඔහුගේ අතිශය විවෘත සහ සිත පතුලටම කිමිදෙන රචනා ශෛලිය නිසයි...
නිම්ශා මේක හොඳ පොතක්... පවුලෝගේ 'ඇල්කෙමිස්ට්' පොතෙන් ඔබ පටන් ගන්නවා නම් සතු‍ටුයි.... පොත් වලට ආදරේ ජනතාවක් සංසාරේ අපි වෙත රොක් වෙන එක ගැන අප්‍රමාන ප්‍රීතියි...Starry aNgeL ගොඩාක් ස්තූතියි....
ReplyDeleteබෝ පැලේ... ඔබට මා ලියනවාට වඩා කෝටි වාරයක් සරු සහ පොහොසත් පිලිතුරක් මගේ ආදරනීය පැතුම් සොයුරා සපයා තිබෙනවා... ඔහු පවුලෝ කොයියෝ හොඳින් කියවන කෙනෙක්... කරුණාකර එය කියවන්න... :)
අන්තිමයාටත් අන්තිමේටම කියන්න තියෙන්නේ පවුලෝගේ 'ඇල්කෙමිස්ට්' පොතෙන් පටන් ගන්න කියලයි. සිංහල පරිවර්තනයේ නම: සන්තියාගෝ නම් සැරිසරන්නා (විදර්ශනා ප්‍රකාශන)
සංසාරේ අපි වෙත ඇවිත් සරු අදහස් පල කරන , සැබැ සංවාද ගොඩ නගන මේ සහෘද ජනතාවට ස්තූතියි. ජය!
පොත ගොඩක් ලස්සන පාටයි.. මේ පාර ලංකාවට ගියාම කොහොමහරි හොයාගන්න ඕන...
ReplyDeleteහොයාගෙන කියවන්න ඕන.. දැනුවත් කලාට ස්තුතියි අක්කේ..!
ReplyDelete